اختصارات الـ Digital Marketing
قولنا قبل كده إن لكل مجال اللغة الخاصة بيه.. عشان كده جمعنالك أهم الاختصارات المهم تعرفها في مجال الـ Digital Marketing
أولًا عائلة الـ C
- CPM
وهي اختصار لـ Cost Per Impression.. ومعناها هنا انك بتتحاسب على كل ألف Impression يحصل على الإعلان، والمصطلح ده موجود فى منصات كتيره زى الفيس بوك أو جوجل
- CTA
هي اختصار ..Call to Action ومعناها الفعل أو الهدف اللي بتطلبه من الـ Audiences في نهاية المحتوى الذي تقدمه.
- CVR
وهي اختصار لـ Conversion Rate.. ومعناها النسبة المئوية لزوار الصفحة الذين يقومون بتحقيق هدف من أهداف الموقع مثل "شراء منتج، الإشتراك في خدمة، تسجيل في الموقع" من إجمالي الزوار.
- CPA
وهو اختصار لـ cost per action.. وهو مكمل لـ PPA اللي بيختصر pay per action
ومعناهم الدفع مقابل إجراء معين بيقوم بيه العميل، بيكون المعلن محدده زي مثلا الدفع مقابل كل طلب اتصال أو الاشتراك في خدمة ما أو التسجيل في موقع معين أو شراء المنتج من الموقع.
- CPC
وهي اختصار لـ Cost per Click.. وهي بتوازي PPC واللي بتختصر pay per Click
والمقصود بها الدفع مقابل الـClick ، يعني أي حد يضغط على الإعلان بتاعك تدفع مقابل الـ CLICK دي.
- CTR
وهي اختصار لـ Click Through Rate..ومعناها معدل الـ Click على إعلانك أو نسبة الناس اللي داست على اللينك بتاعك في الإعلان من الناس اللي شافته
يعني لو عامل إعلان وحاطط فيه لينك و1000 واحد شاف الإعلان و20بس اللي داسوا تبقي الـ CTR 2%
الـ R
- ROI
هو اختصار لـ ..Return On Investment يعني ببساطة هيعود عليا ايه لما اصرف مبلغ كذا
وبيتم استخدامه في قياس مدى نجاح الخطة التسويقية وتحديد حجم صافي الأرباح، فتقدر تعرف أنت مكانك فين وايه اخطاءك.
ثانيًا عائلة (B)
- B2B
وده اختصار ..Business To Business ومعناه أنك بتكون شركة وبتستهدف بشغلك شركة تانية، يعنى العملية التسويقية بتم بين شركتين وليس شركة ومستهلك
- B2C
وده اختصار Business To Consumer.. ومعناه أنك كشركة تستهدف أفراد بمنتجك أو خدمتك، يعني العملية التسويقية بين الشركة والمستهلك
ثالثًا عائلة الـ (S)
- SEM
وهي اختصار ..Search Engine Marketing ومعناها عملية تسويق الموقع عن طريق محركات البحث، وهي عبارة عن مجموعة من العمليات مثل تهيئة المواقع لمحركات البحث، والإعلانات المدفوعة وبناء شعبية تزيد من زوار الموقع من خلال نتائج البحث
- SEO
وده اختصار لـ Search Engine Optimization.. وهي عملية تهيئة المواقع للظهور بشكل أفضل في نتائج محركات البحث، يعني لما يتعمل بحث عن كلمة في المجال بتاعك تكون في النتائج الأولى
وده عن طريق مراعاة مجموعة من العوامل أثناء بناء الموقع من حيث (المحتوي وطريقة كتابة الكود)، مما يجعلها أقرب للظهور في نتائج متقدمة لعمليات البحث
- SMM
وهو اختصار لـ Social Media Marketing.. وهي عملية التسويق للمواقع عبر شبكات التواصل الإجتماعي المختلفة وعمل حملات تسويقية من أجل زيادة عدد الزوار والتعريف بالموقع
- SMO
وهي اختصارSocial Media Optimization .. وهو المصطلح اللي بيلخص عملية التسويق عن طريق مواقع التواصل الأجتماعى، وبيكون مجموعة من التصرفات اللي بتتم بغرض نشر منتجك أو خدمتك مستهدفا فئة معينة.
